編輯：Move Hub小薯
#古蹟 #粉嶺好去處 #粉嶺半天遊 #北區好去處 #上水粉嶺好去處 #龍躍頭交通  #龍躍頭文物徑 #粉嶺圍村文物徑 #香港 #本地遊  #旅遊 #隱世 #打卡#建築#拍攝#影相#親子遊#本土遊 #香港旅遊 #香港景點 #假日好去處

香港法定古蹟縱橫遊 - 粉嶺篇

平時去新界北區多數都係去郊遊遠足，欣賞郊外景色之餘亦都可以舒展身心，但係大家又有無諗過喺香港以北嘅地方，其實係充滿着香港早期歷史嘅蹤跡呢🤔?

佢哋嘅地點仲非常集中添，當中嘅古蹟亦都有年代久遠嘅歷史。今次就等小編帶大家去粉嶺了解早期香港原居民嘅歷史啦🤩！

1) 龍躍頭天后宮

天后宮建造年份已經無法考證，但相傳係香港最具規模嘅祠堂之一，比約建於1525年嘅松嶺鄧公祠更早！天后宮用上中國傳統兩進三開間式嘅青磚牆身建築支撐木構瓦頂，以天井分隔。

廟宇正面有精緻嘅吉祥圖案同民間故事嘅灰塑及壁畫。正殿供奉正神天后娘娘，及其兩位侍神千里眼和順風耳。東面偏殿嘅兩個古鐘，一個係鄧氏族人為子投契天后嘅酬神之物，鑄於1695年；另一個則為村內學子出遠門考試，祈求平安之物，於1700年鑄造。兩者都係廟內現存最古老嘅文物。

🔼外表美觀完整嘅天后廟，原來已經有500年嘅歷史！

🔼正門上嘅壁畫同埋天后宮嘅牌匾都保存得相當完整。

🔼幾百年歷史嘅廟宇，自然香火鼎盛。

🔼小編精選打卡位📸： 古雅樸實嘅青磚小巷，影文青相真係一流地方！

如何前往🚌

地址：軍地沙頭角公路龍躍頭段天后宮
入場費：免費
開放時間：星期一至日上午9時至下午5時
💡廟宇負責人會因應運作情況而更改開放時間，恕不另行通知。
🚌前往方法：可在粉嶺火車站搭乘54K小巴前往。

2) 老圍門樓及圍牆

由錦田14世紀移居到粉嶺嘅鄧族，先後係龍躍頭建立「五圍六村」。其中最早建立嘅就係五圍中嘅老圍。老圍建於小山丘上面，四周都築有圍牆，圍內嘅房屋整齊有序，獨特嘅窄小圍門係用作監察、防盜，圍內亦都設有飲用水井方便村民。

門前有一幅「門高迎紫氣　圍老得淳」嘅對聯，寓意紫氣東來(吉祥)。老圍雖然曾經歷多次修建，但圍牆、佈局結構仍然保存得相當完整，盡顯早期原居民村落的特色。
🔼📸小編精選打卡位： 老圍門樓嘅牌匾同對聯非常立體醒目，古樸風味十足。

🔼昔日門樓設有樓梯可以通往上層作為監察用途😲

🔼通過門樓就可以喺左右兩邊望到圍內居民嘅房屋。

🔼唔少踩單車嘅遊人嚟到老圍門口都會駐足休息🚲

如何前往🚌

地址：粉嶺龍躍頭老圍
入場費：免費
開放時間：星期一至日上午9時至下午5時
💡為避免對居民造成滋擾，老圍內部並不對外開放。
🚌前往方法：可在粉嶺火車站搭乘54K小巴前往。

3) 松嶺鄧公祠

粉嶺龍躍頭龍山西北面嘅鄧公祠，位於老圍同祠堂村之間，係香港原居民祠堂中最重要同規模最宏大之一。

鄧公祠於4,50年代曾經用作村學校，係1997年11月7日被列為法定古蹟。門廳前嘅對聯描述了族群歷史，字裏行間講述咗個香港新界鄧氏家族嘅歷史淵源，祠堂中族人議事嘅地方名為「萃雲堂」。
🔼寬敞嘅室內空間有一種威嚴感

🔼堂內展示祠堂曾經作為學校嘅石質牌匾🧐

🔼小編精選打卡位📸：走入大宅門前影相，有一種時光倒流嘅感覺。

🔼「萃雲堂」係族人議事嘅地方

如何前往🚌

地址：粉嶺龍躍頭松嶺鄧公祠
入場費：免費
開放時間：星期一、三至日上午9時至下午1時及下午2時至5時
💡星期二（公眾假期除外）、聖誕日、聖誕翌日、元旦日、農曆年初一至三休息
🚌前往方法：專線小巴 54K粉嶺火車站 - 龍躍頭（循環線） 56K 粉嶺火車站（經小坑村及新圍）- 鹿頸

4) 麻笏圍門樓

錦田鄧族分支 - 龍躍頭鄧族，鄧氏族人係18世紀建立麻笏圍原名為「鬱蔥圍」。麻笏圍在圍門上紅粉石門額刻有「鬱蔥」兩個字，寓意春蔥生長茂盛。

門樓兩旁有保留昔日為「前環鳳水，後擁龍山」嘅對聯，描述咗呢度特別嘅風水格局。麻笏圍北面圍門裝有連環鐵門，圍內神廳位於主巷盡頭，兩邊有排列整齊嘅房屋，可惜圍牆同四角大部分面積已經被拆卸🙁。

🔼門樓至今仲係村民出入主要通道😙

🔼石門上隱約可見額刻有「鬱蔥」二字，寓意春蔥生長茂盛

🔼小編精選打卡位📸：大理石外牆和連環鐵門， 再加上一盞歐洲天花飾燈， 竟然出奇地有一種異國風情。

如何前往🚌

地址：粉嶺龍躍頭麻笏圍
入場費：免費
💡開放時間：為避免對居民造成滋擾，內部並不對外開放。
🚌前往方法：專線小巴 54K粉嶺火車站 - 龍躍頭（循環線） 56K 粉嶺火車站（經小坑村及新圍）- 鹿頸

5) 覲龍圍門樓, 圍牆及更樓

龍躍頭鄧族五圍之一嘅覲龍圍，又名新圍，係區內保存最完好嘅圍村。覲龍圍圍牆係1744年建成，已經有200多年歷史，可考究門樓石額上嘅刻字「覲龍 乾隆甲子歲吉月穀旦立」。

覲龍圍門樓建於西南面圍牆中央嘅圍村入口，四面青磚築砌圍牆非常結實。門樓嘅建築設計嘢的亦非常特別，用作進入兩個門口嘅分隔。門樓外牆以花崗石混合青磚築砌而成，正脊亦都有極富特色嘅別緻裝飾。🔼正面睇非常宏偉

🔼細心睇，屋頂嘅花紋好有歷史年代感。

🔼小編精選打卡位📸：建議着返件鮮色衫，企係青磚牆嘅角落，影出嚟嘅相效果唔錯㗎☺️！

如何前往🚌

地址：粉嶺龍躍頭覲龍圍（新圍）
入場費：免費
💡開放時間：為避免對居民造成滋擾，內部並不對外開放。
🚌專線小巴56C號線來往粉嶺站–覲龍圍

*CPC因應廣告內容而有所不同

查看詳情